أخبار الرياضة

شادي محمد …. يهاجم امير طعيمة ( الاهلاوية سبب نجاحك)

قام الإعلامي شادي محمد لاعب الاهلي السابق بالهجوم علي الكاتب امير طعيمة عبر صفحته على موقع التواصل الاجتماعي الفيس بوك حيث قال …

 

عزيزى امير طعيمه نزلت بوست وهاجمتنهى وقولت فى انى بحرض الجمهور وبسب كلامى شباب بتروح وبتتحبس وانا السبب فى المستنقع اللى احنا فيه ده ملخص كلامك

طيب مازعلتش على نفسك وانت بتنزل بوست بتهاجم فيه جماهير الاهلى وان انت بتكرهم وبتندم انك عملت اغنيه للخطيب مع ان الجماهير اللى انت بتكرها ممكن يكون فيهم اهلويه بالملايين كتير سبب نجاحك لو انت ناجح وانت قولت انى كابتن الاهلى التاريخى كويس انك فاكر بسألك هو ينفع اشوف النادى وجمهوره اللى خيره عليا بيتهاجم وبيتعرض لقله ادب واضحه للجميع اللى انت مش شايفها واسكت او اتفرج طيب فين الرجوله والشهامه والجدعنه هنا انت بقى حسبتها تحريض وفى الاخر انت مسحت البوست اللى كتبته على الجماهير

تعرف المستنقع يعنى ايه اقولك يعنى لما اشوف او اعرف مطربه شهيره زميله او مش زميله تتعرض للضرب والاهانه ولم يتحرك لك ساكن اصل النخوه والكرامه لها ناسها وكنت منتظر وقتها منك بوست بنفس قوه بوست اهانه الجماهير اللى انت مسحته… اللى انا عملته وهفضل اعمله اسمه تحريض الكرامه اللى لازم ولاد الاصول يعملوه

هعتبر اللى انت كتبته مش هجوم هعتبره غيره فنيه بعد نجاح كلماتى وتلحينى فى البوست الاخير ونالت استحسان الجميع
فقررت اكتب والحن تانى بس سطر واحد يلخص القصه

ده لو اتساب من هيجيبلى كليو كباب كباب
فى دقيقتين مسحت البوست بظره عين عينى ياعين
انا عمرى ما حد هاجمنى كده ببوست غريب غريب
ده مش تحريض ده رجوله اكيد اكيد

كتابه وتلحين وتوزيع البوست ::شادى محمد

مقالات ذات صلة

إغلاق